ಶ್ರೀಮಂತ ಭಾರತದ ನಿರೀಕ್ಷೆಯಲ್ಲಿ...

ಈ ಪುಟ್ಟ ಬಾಲಕನ ಕಣ್ಣುಗಳು ದಿಟ್ಟಿಸುತಿವೆ,

ಯಾವ ದಿಕ್ಕಿಗೆ ಹೋಗಲಿ ತಾನು ಎಂದು.

ಜಗದುದ್ದಗಲದಲಿ ಒಂದು ಪುಟ್ಟ ಬಿಂದುವಾಗಿದ್ದರೂ,

ಆಸೆ ಕನಸುಗಳು ನೂರಾರು.

ಕನಸುಗಳು ಗರಿ ಬಿಚ್ಚಿ ನರ್ತನ ಮಾಡುವ ಭರದಲಿ,

ಬಡತನದ ಈ ಶಾಪ ಬರೀ ದುಃಸ್ವಪ್ನವಾಗಿರಲೆಂದು,

ಆಶಿಸುತಿಹನೇನೋ ಈತ

ರೈಲು ಕಂಬಿಗಳಂತೆ ಉದ್ದವಾಗಿ ಧೃಡವಾಗಿ ,

ಬೆಳೆಯಬೇಕೆಂಬ ಬಯಕೆ.

ಆದರೆ ಆರ್ತನಾದವನು ಬೀರುತಿದೆ ,

ಬಡತನದ ಕೇಕೆ.

ಸಿಗಲಿ ಇವನಿಗೆ ಕನಸಿನ ಖಜಾನೆಯ ಬೀಗ

ಶ್ರೀಮಂತವಾಗಲಿ ಭಾರತವು ಬೇಗ