Friday 29 June 2012

ಭಾವ ಸ್ರಾವ



ಭಯಾನಕ ದೃಶ್ಯವ
ನೋಡಿದ 
ಪ್ರಚೋದನೆ 
ಥಟ್ಟನೆ ತಟ್ಟಿತ್ತು 
ಅಮೈಗ್ದಲವೆಂಬ
ಮೆದುಳಿನ ಚಿಕ್ಕ ಗೂಡನು 
ಛಕ್ಕನೆ ಹಾರಿದಂತಾಯ್ತು
ಜೀವ 
---

ಅನಾಥ ಕಂದನ 
ತಲೆಯ ಮೆತ್ತಗೆ 
ಸವರಿ, ಮುತ್ತಿಕ್ಕಿದಾಗ 
ಒಕ್ಸಿಟೋಸಿನ್ ಸ್ರವಿಕೆಯ 
ಪರಿಣಾಮ 
ಹೊಸ ಪ್ರೀತಿಯ ಭರವಸೆ 
ಕಂದನ ಮನಸು 
ನಿರಾಳ 
---

ವರ್ಷಗಳ ಬಳಿಕ 
ನನ್ನವಳ ಮುಖ ನೋಡಿದ 
ಕ್ಷಣಕೆ 
ಎನ್ದೊರ್ಫಿನ್ 
ಸ್ರವಿಸಿ 
ರಕ್ತದ ಕಣ ಕಣದಿ
ಸಂತಸದ ಹೊನಲು 
---

ಜೀವದ ಗೆಳೆಯ 
ಜೀವವಿಲ್ಲದೆ ಬಿದ್ದ ಪರಿಯ 
ನೋಡಿ, ಒಳಗೆ 
ಪ್ರೊಲಾಕ್ಟಿನ್ ಸ್ರಾವ 
ಕಣ್ಣೀರ ಕಟ್ಟೆಯೊಡೆದು 
ಗದ್ಗದಿತ ಭಾವ 

---

ಯೌವ್ವನ
ಟೆಸ್ಟೋಸ್ಟಿರಾನ್ ಸ್ರವಿಕೆ
ಹುಚ್ಚು ಮನ 
ಹತ್ತು ಹಲವು ಪ್ರಚೋದನೆ 
ಕುತೂಹಲಗಳ 
ನಡುವೆ 
ಮನದ ಹಿಡಿತ ಮೀರಿದ ದೇಹ 
ಹುಟ್ಟಿಸಿತ್ತು 
ಇನ್ನೊಂದು ಜೀವ 

1 comment:

  1. ವಿಭಿನ್ನ ಪ್ರಯತ್ನ ಪರೇಷ್. ನಿಮ್ಮ ಯೋಚನಾಲಹರಿ ಮೆಚ್ಚತಕ್ಕದ್ದು

    ReplyDelete