ಡಿಮಾಂಡು

ಇಂಜಿನಿಯರು ಹುಡುಗ ಬೇಕು ಉಳಿದುದೆಲ್ಲ 

ಮತ್ತೆ,

ಬೆಂಗಳೂರಿನಲ್ಲಿ ನಾವು, ದೂರ ಮಾವ ಅತ್ತೆ!

ಇರಲು ಒಂದು ಫ್ಲ್ಯಾಟು ಬೇಕು, ತಿರುಗಲೊಂದು ಕಾರು 

ವೀಕೆಂಡಲಿ ಅವನ ಜೊತೆಗೆ ಸುತ್ತಬೇಕು ಊರು 

ಪ್ರತಿ ತಿಂಗಳು ಬೇಕೆನಗೆ ಬೆಲೆಬಾಳುವ ಗಿಫ್ಟು 

ಮೆಟ್ಟಿಲನ್ನು ಹತ್ತಲೊಲ್ಲೆ, ಮನೆಗೆ ಬೇಕು ಲಿಫ್ಟು 

ಮನೆಯ ಒಳಗೆ ಬಂದೊಡನೆಯೆ,ನೀಡಬೇಕು ಮುತ್ತು 

ಅಡಿಗೆ ಮಾಡಿ ಬಡಿಸಬೇಕು ತೋರಿಸದೆ ಗತ್ತು 

ಬೇಸರದಲಿ ನಾ ಕುಳಿತಿರೆ, ಮಾಡಬೇಕು ಫೋನು 

ಕೇಳಬೇಕು-"ಈ ಕೂಡಲೇ ಮನೆಗೆ ಬರಲೆ ನಾನು?"

ಪ್ರತಿ ವರ್ಷವೂ ಬೇಕೊಂದು ಫಾರಿನ್ನಿನ ಟ್ರಿಪ್ಪು 

ಚಿಕನ್, ಮಟನ್ ಮೀನು ಬೇಕು, ತಿನ್ನಲಾರೆ ಸೊಪ್ಪು 

ಇಷ್ಟಿದ್ದರೆ  ಸಾಕು, ಅವನು ಕಟ್ಟಲೆನಗೆ ತಾಳಿ 

ಕೊಂಚ ಹೆಚ್ಚು, ಕಡಿಮೆಯಾದ್ರೆ ಆಗುವೆನು ಕಾಳಿ