ಅಲ್ಲಿ ನಾಯಿ
ಜೊಲ್ಲು ಸುರಿಸುತ
ಹಲ್ಲು ತೋರಿಸಿ ನಿಂತಿಹುದು
ಪೆಚ್ಚು ಮೋರೆಯ ಹಾಕಿ
ಕರುಣೆಯಿಲ್ಲದೆ ಜನ
ಕಲ್ಲು ಹೊಡೆದಿಹರು
ಮುಂದೆ ನಡೆಯುತ
ಅಲ್ಲಿ ರೇಶಿಮೆಯ ಕೂದಲಿನ
ಶ್ವೇತ ವರ್ಣದಿ ಹೊಳೆವ
ಕೊಬ್ಬಿದಾ ಶ್ವಾನವದು
ಪ್ರೀತಿಯಾ ಕೂಗದಕೆ
ಮೃಷ್ಠಾನ್ನ ಭೋಜನವು
ಸಿರಿವಂತನಿಗದುವೆ
ಉಡುಗೊರೆಯ ಸರಮಾಲೆ
ಸಾಗರದಿ ಒಂದು ಹನಿ
ನೀರನ್ನು ಸುರಿಯುವರು
ಬಡ ಮನುಜ ನೀಡುವಾ
ಪ್ರೀತಿಗೆಲ್ಲಿದೆ ಬೆಲೆಯು
ತಾತ್ಸಾರಗೈಯ್ಯುತಲಿ
ತಲೆಯೆತ್ತಿ ಮೆರೆಯುವರು
ಹಣವೆಲ್ಲಿ ಶಾಶ್ವತವು
ಹುಟ್ಟು ಸಾವಿನ ನಡುವೆ
ಸತ್ತ ಮೇಲೆಲ್ಲರೂ
ಮಲಗುವುದು ಮಣ್ಣಿನಲಿ
ಸುಖ ಶಾಂತಿಯಲಿ
ಒಂದು ತುತ್ತು ಅನ್ನವ ತಿಂದು
ಹೃದಯದೊಳ್ ಪ್ರೀತಿ ಸೆಲೆ
ಹರಿಸುವುದೇ ಜೀವನವು
No comments:
Post a Comment